Ladies, Girls, Womens ko lekar aapke mann mein kuch galatfehmiyan/ misunderstanding
Ladies, Girls, Womens ko lekar aapke mann mein kuch galatfehmiyan/ misunderstanding
misunderstanding -Poori duniya mein ladies ko lekar alag alag tarah ki misunderstandings hai aur inko lekar kai baar to kuch muhavre bhi banaye jaaye jo ki kaafi famous bhi hai, par sachai se weh bilkul bhi match nahi karte, jyadatar hum yeh sab baatein ladies ke liye isliye banate hai taaki hum ladies se hamesha bade bane rahe. Aaiye aaj main aapse aisi hi kuch baatein share karne jar aha hoon jinhe aap sochte honge ke yeh baatein sirf ladies ke liye hi hai par aisa bilkul bhi nahi hai, yeh baatein ladies aur gents dono ke liye kisi na kisi situation mein ekdum sach bath ti hai. To aaiye aaj jaane aisi hi kuch misunderstanding walibaton ko:-
Ladkiyon ke pet/ stomach mein koi baat tik ti nahi hai:
Maine aksar logo se yeh baat kehte hue suna hai ke ladkiyon ke pet mein koi baat hajam nahi hoti hai, unhe aap job hi kahoge woh kisi na kisi ko jaroor bata dengi. Par aapko yaha bata de key eh baat sirf mahilao ke liye hi nahi purusho ke liye bhi ekdum sateek baith ti hai, agar koi baat kisi purush ko bhi pata chal jaaye to woh bhi us baat ko kisi aur ko na bata de uski bhi baichaini khatam nahi hoti hai. Aur aksar yeh baatein kisi doosre ko batate hue mirch masala lagake batai jaati hai jis se kai baar sadharan si baat itni badi ban jaati hai ke log aapas mein aisi baton par lad jhagad bhi padte hai. Isliye is baat mein mahilao ke saath purush bhi barabar ke bhaagidaar hai.
Inki to baatein hi khatam nahi hoti hai:
Ab zara khud se ek baat poochein ke gossip sirf mahilayein hi karti hai, aap pursh nahi ? Maine bachpan mein suna aur dekha hai tha ke village ke log subah ya sham mein chaupal lagakar baith te the aur apne ghar ki baatein, acchi ho ya buri ek dusre se share karte hai the aur auro ki burai aur tareef karte the. To aise mein gossip ke liye sirf ladies ko hi taane kyon dena ? Waise bhi aap dinbhar baahar rehte hai 20 tarah ke logo se milte hai to kya goonge hokar milte ho? Baatcheet nahi karte kya? Ek lady jo dinbhar ghar rehti hai sham ko 10-20 minutes kisi pados ki mahila se milkar baatein kar leti hai to itni mirch ikis baat ki lagti hai? Agar lagti hai to ek din bina kisi ko mile jule ya baat kare ghar mein rehkar dikhaiye zara.
यह भी पढ़ें :- क्या आपके पति भी पराई महिलाओं को घूर–घूर कर देखते है
यह भी पढ़ें :- हर रोज़ सुबह यह काम करने से होगी 1 महीने में 10 किलो चर्बी कम
misunderstanding
Tayaar/ Ready hone mein der lagati hai:
Har husband ki kahani hai yeh ke uski wife ready hone mein kaafi time leti hai, hadh hai yaar. Din bhar ghar sambhalti hai, kahi jaane se pehle sabko unka samaan deti hai. Ab zara khud ka time, baccho ka time note kare, fir wife ka ready hone ka time note kar. Koi 19-20 ka hi fark hoga, waise bhi gents ne to shirt pent pehan ni hoti hai aur ladies ne saree, aur janaab in cheejo mein ladies ko thoda waqt lagta hai, agar fir bhi problem hai to kisi din khdu saree daalkar dekhe kitni problem aur time lagta hai. Waise bhi agar biwi time leti hai ready hone mein to dost- rishtedaaro mein aapki sundar biwi ke liye aapki hi tareef hoti hai janaab.
Gaadi acche se nahi chalati:
Aap dekhte hai ya padte hai ke dinbhar mein kitne hi accident hote hai, jismein kai log injured hote hai ya kai swarg sidhaar jaate hai par yeh kabhi bhi discussion ka topic nahi banta. Par jab koi ladki galti se kahi apni gaadi thok de to aise haai tauba karte hai jaise 3rd world war start ho gayi ho. Bhai saab accident ka data nikaal kar dekh le 90% accidents hum aadmi logo dwara hi kiye jaate hai, mahilao ka percentage ismein sirf 10% hi hai. Hum apne ghar ki ladies ko gaadi dene se darte hai ke kahi kuch ulta sidha na kar de aur dusri driving wali ladies se darr kar kai baar unhe pehle jaane ko space de dete hai. Par sach mein aisa kuch nahi hai ulta ladies humse badiya driver hoti hai, aur galti hone par mostly apni galti maan bhi leti hai. Hamari tarah maa-bhen ki galaiayn nahi deti aur na hi logo se ladai jhagda karti hai.
Mahilaaye Ghar ko time nahi deti:
Mostly yeh bata un ladies ke liye kahi jaati hai jo job karti hai, naukripesha hoti hai. Par main aapko yeh bata doon key eh baat ekdum se galat hai, ladies subah office jaane se pehle bacho ke aur aapke poore kaam finish karti hai, fir khud ready hokar office jaati hai, lunch bhi mostly pehle hi banake chali jaati hai, baas aapko garam karke khaana hi hota hai.. umeed hai khaana garam karne mein aapki jaan nahi nikalti hogi. Fir sham ko kaam se aakar wohi biwi aapko aur poore ghar ki dekhbhaal karti hai. Jisko jo chahiye hota hai deti hai. Par kya kabhi aapne biwi se poocha hai ke usse bhi kuch chahiye? Ya kabhi bina kahe unki pasand ki koi cheej laakar di ho? Koi bhi mahila ke liye pehle uska ghar hota hai fir job, aap chahe to aazmke dekh le, woh job chorrne mein ek second nahi lagayengi agar unki job ki wajah se ghar mein problem ho rahi ho. Yeh to aajkal ke jawaan londo mein mehnat karke paisa kamane ka rivaaz thoda kam ho gaya hai, isliye unhe biwi bhi kamau chahiye hoti hai. Nahi to ladies ka shareer bhi waisa hi hota hai jaisa hamara hai, ulta humse komal hi hota hai unka tann aur mann. Apni biwi ko supprt kare, shukriya kare unka ke woh aapki life mein aayi. Tyaag ki murat hoti hai biwi ya koi bhi mahila, aur aisa sochne mein kabhi sharam nahi aani chahiye, na hi sir jhukna chahiye.
Mahilaaye purusho par control rakhti hai:
Aap net par, TV par ya dosto se aisi baatein sunte hai ke ladies jo hai woh gents par control rakhti hai. Agar aisa hota to kahi par bhi rape ki koi gandi ghatna nahi hoti. woh to bechari khud hum mardo se darke rehti hai ke kahi unhe kuch ulta pulta sun ne ko na mil jaaye ya phir koi bhadaur pati uski pitai na kar de. woh aap par control nahi rakthi woh aapse pyaar karti hai, isliye agar koi baat keh bhi deti hai to woh aapke aur family ke bhale ke liye hi hoti hai. Isliye usse control karna nahi care karna kehte hai.
यह भी पढ़ें :- जानिये औरतें बिस्तर में अपनी कौन कौन सी ख्वाहिशें पूरी करना चाहती हैं
Sach kya hai? Mahilaaye bahut hi komal mann ki. Masoom hoti hai, unhe apne ghar, parivar ke alawa kisi cheej ki koi khaas iccha nahi hoti. woh apne ghar parivaar ko khush dekhne ke liye kitne balidaan karti hai woh hum mardo ko hi samjhna hoga. Apne ghar ki ladies ko thoda apna waqt de, pyaar de, maan samaan de jinki woh hakdaar hai. Jitna aap unke liye karoge woh aapke liye us se kai gunna jyada hi karegi.
Mahilao ka aadar, bhagwan ke aadar ke baraabar hi hota hai. Chahe hamare ghar ki ho ya kisi aur ke ghar ki.
