http://nuskhe.in/motivational-inspirational-kahani-aapka-bhavishya-aapki-aaj-ki-soch-pe-nirbhar-karta-hai/
http://nuskhe.in/motivational-inspirational-kahani-aapka-bhavishya-aapki-aaj-ki-soch-pe-nirbhar-karta-hai/

Ek choti si motivational and inspirational kahani- Badlaav (Change)

Ek choti si motivational and inspirational kahani- Badlaav (Change)

 

Jindagi mein bahut saare avsar aate hai jab humein bure halaat ka samna karna padta hai aur sara waqt isi soch mein lage rehte hai ke ab aisa kya kiya jaye ki is situation se nikla jaye, par life mein badlav itni jaldi nahi aata. Kisi bhi cheej ki shuruat chahe badlav hi ho sab kuch ek basic tarike se hi aata hai, jismein patience, hard work, nayi achi soch, sabka saath bhi bahut important hota hai. Kai baar hamari manjil hamare samne hoti hai aur itne hard work ke baad bhi hum us se door ho jate hai shayad isliye kyonki ab hamara apne hi upper se bharosa khatam ho chukka hota hai. To ussi bharose ko fir se wapis pane ke liye yeh ek choti si kahani padte hai.

Must Read: Aapka Bhavishya Aapke Haath Mein Hai

To dosto kahani is prakaar hai:

Ek ladka subah ground mein running karne jaya karta tha.  Aate jaate Woh ek old lady ko dekhta tha. Woh budi mahila talab ke kinare kuch chote chote kachhue (small tortoises) ki peeth (back) ko saaf kiya karti thi. Ek din us ladke ne yeh sab karne ka reason jan ne ki sochi. Woh ladka us budhi mahila ke paas gaya aur unhe Namaste karke unka abhivadan kiya aur haal chaal pucha aur fir pucha ke main aapko kafi dino se yaha talaab ke paas tortoises ki back saaf karte hue dekh raha hoon, iske peeche kaaran (reason) kya hai? To woh bujurg mahila is ladke ki taraf dekh ke halka sa muskurayi aur boli chalo aaj main tumhe tumhari life ka ek bahut bada lesson deti hoo.

Us mahila ne kaha ki woh yaha kabhi kabhi aati hai aur sab kachhuo ki peeth saaf karti hai kyonki inke peeth par jo kavach hai unke swim karne se uspar aas paas ki miti aur kachra jam jata hai jis se woh kavach garam ho jata hai aur inhe swimming karne mein problem hoti hai aur mere inhe saaf karne se yeh fir se fit and fine hokar swimming karte hai.

Yeh sunkar ladka bahut hairaan hua aur fir usne poocha ke beshak aap jo kar rahi hai woh bahut nek kaam hai par fir bhi sochiye aise laakhon kachhue honge jinki peeth aisi gandi hogi, jabki aap sabhi ko saaf bhi nahi kar sakti to fir aapke akele in kuch tortoise ki safai karne se kya kuch badlaav nahi aayega.

To us bujurg mahila ne kaha shayad mere aisa karne se sabhi ki life mein badlav nahi aayega par in kuch kachhuo ki life mein to badlav aayega. To kyon na hum in chote chote badlavo se hi shuruat kare. Aur fir woh mahila waha se muskurate hue us ladke ke sir pe haath ferte hue chali gayi.

To dosto is kahani se humein yeh pata chalta hai ke koi kaam kitna bhi bada kyon na ho uski shuruat to karni ho padti hai chahe starting kitni bhi choti kyon na ho. 1-1 step karke life mein chalte raho aura age badte raho, life mein chote chote goal set karo, kuch samay baad peeche mudke dekhna who chote chote goal achieve karke aap kitne bade ban gaye.

Acchi nek niyat se kaam karo, kisi ka bura na chaho, aap achhe to sab achhe, aap bure to sab bure. Ab aap kis taraf jaana chahte ho yeh aap soch lo.

gharelu nuskhe, dadi maa ke nuskhe, desi nuskhe, dadi maa ke nuskhe in hindi,gharelu nukshe in hindi

Leave a Reply

Your email address will not be published. Required fields are marked *

*