Baccho ko kis tarah anushasan mein rakhe, jaaniye kuch Nuskhe| Some Tips About Discipline For Childrens

Baccho/ Childrens - Kids ke Liye Nuskhe

Baccho ko kis tarah anushasan mein rakhe, jaaniye kuch Nuskhe| Some Tips About Discipline For Childrens

 

Bachcho ko kis tarah anushasan mein rakhe ya unko control mein kaise rakhe koi sadharan baat nahi hai. Shaadi se pehle hum bhi sirf apne bare mein sochte hai ya kabhi kabhi anushan heenta wale kaam kar jaate hai par shaadi ke baad ladka aur ladki dono mein maturity aani shuru ho jaati hai aur wah bhi anushan se kaam karne lag padte hai, isi tarh hamare bachcho ka bhi yahi haal hai ke woh sirf apne bare mein hi sochte hai jab tak ku unke upper jimmedari apne aap jaye. Bacho ko kis tarah ka banana hai yeh hamare khud ke swabhaav (behavior) se bhi jana jata hai. Agar aap bachcho ke samne simple, sidhe kaam kaaji rahoge to woh bhi yahi kuch sikhenge, agar aaps bachcho ke saamne fijoolkharchi karoge, ladai jhagde karoge to aap bachcho se anushasan mein rehne ki umeed kaise karoge. Bacho ke saath pyaar se raho, tameej se bolo, theek dhang se kaam karna sikhao to woh wahi sikhenge, gali galoch karoge, maar peet karoge to koi bhi kuch bhi nahi sikh paayega. Ya sikh bhi lega to woh sirf darr se ya maar se bachne ke liye sikhega aur mauka aane par iska aapko dushparinaam (bad results) bhi bhugatna pad sakta hai. Bachcho ko khelne kudne do, sharate bhi karne do par ek limit mein, unhe apna kehna manna sikhao, pyaar se daant ke nahi.

Must Read: Family aur Relations ke Nuskhe

Aaiye jaane kuch aise nuskhe jinse aap bacho ko anushasan mein rehna sikha sakte hai woh bhi pyaar se bina daraye dhamkaye, meri website Nuskhe.in apne dosto se jaroor share kare.

Galti kabhi nahi kare:  ek baat ka hamesha dhyaan rakhe  ke aap bade hai jindagi ka tajurba hi hai par bache to chhote hai, unmein utna anubhav nahi hai aur na hi utni jaankari jitni aapko hai isliye unke galti karne par apa unhe yeh bataye ke unki galti kya hai, unhone kaise galti ki hai aur usko kaise theek karna hai kea age same situation aane par fir se wohi galti na ho. Is tarah sikhane se unhe khud par bhi confidence aata hai aur aapke liye bhi bacho ke andar pyaar aur respect badega. Wohi agar aap galti karne par daantoge, gaali galoch karoge ya maroge to unhe galti kya hai, kaise hui, kaise theek karni hai nahi pata chalega aur shayad woh same galti fir se repeat bhi kar sakte hai, aur aapke bure bartaav se unke mann mein aapke liye izzat bhi kam ho sakti hai. Isliye aap unhe sahi aur galat ka fark bataye ke kis tarah kis situation mein us baat ko kaise sambhalna (handle) karna hai, aisa karne se bachche ka confidene bhi badega aur bachcha samajhdar (mature) bhi banega.

Saja sabak ka hissa nahi hai: is topic ka kisi bhi insaan ke jeevan par baht gehra asar padta hai, kyonki agar saja dene se koi insaan sudhar sakta to jail se baahr aane ke baad har criminal sudhar jata aur acchi jindagi jeeta, apr jab kisiko ksaja milti hai to uska haunsla bure kaam mein aur khul jata hai kyonki fir usse pata hai ke is galti pe itni hi saja milegi. Aur woh yeh saja pehle bhugat chukka hai isliye agar kabhi dobara saja milegi to usse koi khaas fark nahi padega. Isliye apne bachcho ko saja dene se pehle soche ke is saja se bache ka bhala hoga ke bura. Baarbaar saja milne par bachcha andar se kunthit ho jaayega aur ho sakta hai woh apne andar ke feeling, ya koi bhi baat aapse share na kare ke kahi usse fir aapse maar ya daant na khaani pade, aur sirf apne mein hi khoya rahe. Aisa hone ke bahut bure result aate hai jo aapke aur bachche ke liye bilkul bhi theek nahi hai. Isliye apne bachche ko dost ki tarah treat kare aur ache bure ka difference time time par batate rahe. Jis se ke bachcha aapse darre nahi aur apne mann ki baatein aapse khul ke share kar sake.

Deewar bann jati hai: Agar aap bachche ko baat baat par dant te hai ya tokte hai yam arte hai to is se bache ke mann mein aapke liye nafrat bhi paida ho sakti hai aur aise hi aapke aur bache ke beech mein ek darr ki ya nafrat ki deewar bhi ban jaati hai. Jis se bacha aapse apni koi bhi baat share karne mein khud ko accha mahsoos nahi karega, isliye bachche ke kisi bh iprakaar se galti karne par khud par sanyam rakhe aur apna bartaav ko theek karte hue bache se achche se pesh aaye aur uski galtion ke bare mein batakar usko sudharne ka tarika bhi bataye. Jaldbaji mein saja den eke bajaye usse acche se samjhaye jis se baap bête ka rishta antim samay tak pyaar bhara rahe.

Bachcho ko samaan (respect) de bado ki tarah: jis tarah sabko apni izzat pyaari hoti hai ussi tarah bache is baat ko samjhte to nahi par unke saath bura bartaav karne se woh khud ko chota mahsoos karne lagte hai, unhe hamesha sikhaye, naya karne ko prerit kare, respect de, smart bane aur unhe bhi smart banaye, maar peet, dant kisi problem ka hall nahi hai, khud bhi mehnat kare aur unhe bhi mehnat karna sikhaye, saral (easy) bane, aur easy ban na sikhaye tabhi zindagi ki gaadi aage chalti hai.

To dosto yeh the kuch nuskhe baccho ko anushasan mein rakhne ke, dost banke raho bache aapke hi hai kisi aur ke nahi.

Post padhne ke liye Shukriya

gharelu nuskhe, dadi maa ke nuskhe, desi nuskhe, dadi maa ke nuskhe in hindi,gharelu nukshe in hindi,baby health in hindi, baby care in hindi, child care in hindi

Leave a Reply

Your email address will not be published. Required fields are marked *