Motivational and inspirational Kahani- Aapka Bhavishya aapki aaj ki soch aur Karyo pe nirbhar karta hai

Motivational and Inspirational Nuskhe

Motivational and inspirational Kahani- Aapka Bhavishya aapki aaj ki soch aur Karyo pe nirbhar karta hai

 

Motivation ka matlab hota hai ke lakshya, matlab aapka bhavishya ka kya lakshya hai, aur bhavishya ke lakshya ko kaise poora karna hai woh aapka aaj ka waqt aur aaj ki soch par nirbhar karta hai. Agar aap sochoge ke 10 saal baad 10 lakh rs. chahiye to uske liye aapko aaj se hi  kaam aur saving karni padegi yeh hai self motivation. Agar aap socho koi baat nahi 10 saal hai kar lenge to woh kabhi nahi hoga, isliye khud ko motivate, prerit karte rahe, ache vicharo wale dost banaye, ache karya kare. Mahatma Gandhi, Swami Vviekanand, Acharya Chankaya ko padho khud ko prerit karo aur apnea as paas walo ko bhi.  Kaam karo, girte ho, utho fir se chalo, aise hi chalet rhao apni manzil tak zaroor pahunchoge. Aaiye aaj 1 aisi hi prernadayak kahani padte hai umeed hai is se aapko kafi kuch sikhne ko milega, jo aap aage kisi aur ko bhi sikha sakte hai aur meri website Nuskhe.in bhi unhe jaroor bataye.

Must Read: Anmol Vachan/ SuVichar

Kahani is prakaar hai:

Ek aadmi ke 2 bete the, dono jab bade hue to 1 bahut bada business man bana aur 1 sharabi bana. Ek din unke kisi dost ne un dono se pucha ke tum itni sharaab kyon peete ho, to pehle bhai ne jawab diya “apne papa ke kaaran” main bachpan se hi apne pitaji ko sharab peete dekha hai aur jua khelte dekha hai isliye main bhi waisa hi ban gaya.

To dost ne doosre bhai se pucha tum itne bade business man kaise ban gaye? To doosre bete ne kaha “apne papa ke kaaran” maine hamesha apne papa ko sharab ke nashe mein dhutt dekha, hamesha hi jua khelte dekha, ghar aur family ko support karte kabhi nahi dekha, bas ussi waqt se maine soch liya tha ke jo galtiya mere pitaji ne ki hai who maine bilkul bhi nahi karni hai, isliye aaj main itna kaamyab hoon.

To dosto is choti si kahani se humein bahut bada sabak (lesson) milta hai ke aap kis kaam ko kis nazariye se dekhte ho, ek bhai ne sharab aur jua dekha aur ussi se judd gaya, ek bhai ko yeh sab bura laga aur unse door raha aur kaamyaab ho gaya. Yeh sab insaan ke nazariye aur soch ka hi parinaam hai ke uska bhavishya kaisa banega.

To dosto umeed hai is choti si kahani se aapke jeevan mein kafi kuch bada hoga jo aapko kaamyabi ke raste pe le jaayega aur aap bhi bulandiyo aur shohrat ko chu lauge. Jimmewari samjho, jimmewar bano, logo se acha behave karo, sabki suno, karo jo khud ko theek lage, sapne dekho tabhi sapne poore honge.

ACHA SOCHO, ACHA KARO….. SAB ACHA HI HOGA.

Aapke ache bhavishya ke liye meri vikas ki taraf se aapko dher sari shubhkaamnayein.

gharelu nuskhe, dadi maa ke nuskhe, desi nuskhe, dadi maa ke nuskhe in hindi,gharelu nukshe in hindi

Leave a Reply

Your email address will not be published. Required fields are marked *